Inyong Munyuk, Kowe Anak Kethek

Inyong Munyuk, Kowe Anak Kethek

aksi-mogok-kerja-ribuan-buruh-pabrik-purbalingga-mogok-kerja-karena-diperlakukan-sewenang-wenang-e1367230518903

Ewonan wong regudugan ora gelem ngode. Mangkat pabrit ningen babar blas wegah nyenggol idep lan rambut plasu. Wong lanang lan wadon kuwe wis kadung esmosi level dewa karo bose sing sekang Korea.

Ceritane, bose sing jere sekang luwar negeri kuwe seneng pisan ngarani buruh neng pabrit kuwe bajingan, munyuk lan liya-liyane, nek ngodene dianggep ora beres. Pokoke dinyek banget lah wong-wong sing kerja neng kana.

Akhire wong ewonan kuwe mbokan demo neng pabrit. Kawit isuk muput wis nggawani guntingan kerdus karo kertas. Kami Bukan Boneka Bernyawa yang Selalu Dijadikan Budak Orang Korea, “Kami Butuh Kesejahteraan”. Kuwe salah sijine sing ditulis.

Pokmen, tulisane pirang-pirang. Malahan ana sing nganggo basa Korea, mbuh pada ngerti sekang ndi. Jan sejarah pisan neng Purbalingga ana demo sing melu akeh kaya kuwe. Ngasi mlebu koran mbarang koh. Heboh pisan lah.

Prekara demo kuwe dadi sejarah gara-gara nganti seprene ora tau ana demo, nganti akeh pisan sing melu. Neng Braling kuwe mau, buruh ora wani tau demo, sebab wedi nek mengko demo, bisa diurak sekang gawean. Lah, bisa kere ora nyicil mongtor, mbokan.

Mula kuwe, serekasa apa bae, ya toli pada tetep ngode neng pabrit. Apa maning pemrentah neng kana pancen lewih seneng ngoloni bos-bos sing jere ngunggahna nile investasi. Lah jere sih demi kondusifitas lah basa kerene. Padahal asline ya demikian.

Neng uteke pemrentah kuwe, nek investor pada minggat, mengko sing kerja pada disog ngendi. Bakal akeh pekerja pabrit sing nganggur. Warga Braling bakal lewih akeh rugine lah. Waduh, deneng gole ngomong wis kaya bupati bae gole laporan neng rapat dewan.

Balik maning maring prekara munyuk. Jane ya ora teyeng nyalahna sing buruh kuwe demo. Lah siki, sapa sing ora gela nek diarani munyuk? Diarani ora teyeng pahal, padahal ya gole ngidep atawa ngewig kuwe wis bener pisan. Teyenge ngomahi ning bayarane sekuprit.

Tapi, nek cara tanggane neng ndesa. Nek ana wong ngarani munyuk, kuwe ora sah gela ngasi mangan ati. Nek diarani munyuk, wangsuli bae, “nek inyong munyuk, kowe anak kethek”. Eee, mbok jere sapa dadi ana rumangsane.

Bangkit Wismo

Sumber: http://ajikotapurwokerto.or.id/2013/04/29/inyong-munyuk-kowe-anak-kethek/

TIDAK ADA KOMENTAR

LEAVE A REPLY

fifteen − three =